Қазақстандық садақшылар Азия Кубогында тағы екі жүлде еншіледі

Қазақстан құрамасы садақ атудан Таиландтың Бангкок қаласында өтіп жатқан Азия кубогының бірінші кезеңінде тағы үш жүлдеге қол жеткізді, деп хабарлайды Sport+ Olympic.kz сайтына сілтеме жасап.

Классикалық садақ атудан ерлер құрамасы алтын медаль иеленді. Финалда Ильфат Абдуллин, Дәулеткелді Жаңбырбай және Дастан Кәрімов Үндістан командасын 5:4 есебімен жеңді.

Бұл бағдарламада әйелдер құрамасы да жеңіске жетті. Александра Землянова, Самира Жұмағұлова және Диана Тұрсынбек финалда Қытай құрамасынан 6:2 есебімен басым түсті.

Сонымен қатар, блоктық садақ атудан аралас командалық жарыста Виктория Лян мен Бунед Мирзаметов Сингапур спортшыларын 152:151 есебімен ұтып, қола жүлдегер атанды.

Айта кетейік, бұған дейін блоктық садақ атудан әйелдер құрамасы - Виктория Лян, Роксана Юнусова және Диана Юнусова Азия кубогының осы кезеңінде алтын медаль жеңіп алған болатын.