Қазақстандық конькишілер юниорлар арасындағы Әлем кубогында қола жүлде иеленді

Қазақстанның конькимен жүгіру спортынан командасы Польшадағы Томашув-Мазовецкий қаласында өткен юниорлар арасындағы Әлем кубогының кезеңінде қола медаль жеңіп алды, деп хабарлайды Sport+.

Қазақстандықтар командалық жарыста сәтті өнер көрсетті. Құрама сапында Анастасия Беловодова, Арина Ильященко және Алена Лифатова жарысқа қатысты.

Алтын медаль Германия құрамасына, ал күміс медаль Норвегия командасына бұйырды.