Чемпиондыққа апарар жол? «Қызылжар» — «Қайрат» ойынының тікелей эфирі

Футболдан Қазақстан чемпионаты ұлттық құрама ойындарына байланысты үзілістен кейін қайта жалғасады.

25-тур петропавлдық «Қызылжар» мен «Қайрат» арасындағы мерзімінен бұрын өтетін матчпен басталады. Бұл ойын алматылықтардың Чемпиондар лигасының жалпы кезеңіне қатысуына байланысты негізгі ойын күндерінен бұрын өтеді.

Қазіргі таңда «Қайрат» турнирлік кестеде бірінші орында тұр және 2025 жылғы Қазақстан чемпионы атағы үшін «Астанамен» қызу бәсекелесуде. Алда екі «финал» қалған, соның бірі Петропавлда өтпек.

Биыл бұл екі команда бір рет кездескен — Алматыда өткен ойында «Қайрат» Валерий Громыконың голының арқасында 1:0 есебімен жеңіске жеткен еді.

Жаңа кездесу 17 қазанда Петропавлда өтеді. Матч 15:00–де басталады.

Тікелей эфирді Sport+ телеарнасынан, sportplustv.kz сайтынан және YouTube-тегі sportplus_qaz арнасынан көруге болады.