Әлемнің үздік сәйгүліктері БАӘ-де 70 миллион теңге үшін жарысады. Ras Al Khor 2025 бәйгесінің тікелей эфирі

7 наурыз кешінде БАӘ-де Ras Al Khor 2025 атты үлкен бәйге кеші өтеді, онда әлемнің үздік сәйгүліктері мықтыны анықтайды.

Кешті G2 Mazrat Al Ruwayyah бәйгесі ашады, онда 16 таза қанды араб сәйгүлігі G1 Dubai Kahayla Classic жарысына жолдама алу үшін бақ сынайды.

БАӘ-нің үш мәрте үздік жаттықтырушысы Эрнст Оертель өзінің мықты сәйгүліктері — AF Ghayyar мен AF Layth-қа сенім артады.

Ал 1200 метрлік шөпті алаңда өтетін Azizi Riviera Handicap жарысында Испанияның үздік жаттықтырушысы Гильермо Арискорретаның өкілдері — El Bosnia мен Sky Hawk жарысқа қатысады.

Кештің басты бәйгесі — Ras Al Khor, 2022 жылы ғана құрылған. Бұл жарыста 10 сәйгүлік 510 000 дирхам (70 млн теңге) жүлде қоры үшін таласады. Бәйге жанкүйерлерін 24 қаңтарда G2 Al Fahidi Fort жарысында бірінші және екінші орын алған Marbaan мен Mysterious Night арасындағы реванш ерекше қызықтырады.

Ras Al Khor бәйгесінің тікелей трансляциясы Sport+ Qazaqstan телеарнасында және Sportplustv.kz сайтында қолжетімді болады.