Виктория Графеева: Әлем кубогында әлсіз қарсыластар болған жоқ
Бразилияда өткен бокс бойынша Әлем кубогының жеңімпазы Виктория Графеева әлеуметтік желідегі оқырмандардың сұрақтарына жауап бере отырып, турнирдегі қарсыластардың деңгейіне баға берді:
«Әлем кубогында мүлде әлсіз қарсыластар болған жоқ. Финалға жақындаған сайын қарсыластар барған сайын мықты бола түсті, әр жекпе-жекке соңғы айқасқа дайындалғандай күйде шығу керек болды. Жартылай финалда мен Ливерпульдегі әлем чемпионатының финалисімен кездестім, ал финалда — чемпионмен шықтым. Қарсыластардың күші мен қуатын сөзбен жеткізу мүмкін емес. Мұндай ірі жарыстарда әлсіздер болмайды. Әлсіздердің бәрі үйінде отырады», — деді Графеева.
Графеева 60 келіге дейінгі салмақ дәрежесінің финалында алаң иесі бразилиялық Ребекка Сантосын 4:1 есебімен жеңді.
