Испандық легион Азия Чемпиондар Лигасының плей-оффына жол тартуда. «Сентрал Кост Маринерс» – «Джохор» матчының тікелей эфирі

Малайзиялық «Джохор» АФК Чемпиондар Лигасының плей-офф кезеңіне ұмтылуда. Ол өз чемпионатында бірінші орынды иеленіп, ЛЧ-ның Шығыс конференциясында 6-орында тұр.

Жаңа жылдық үзіліс кезінде аргентиналық бас бапкер Эктор Бидоглио командасын бірнеше испандық футболшылармен күшейтті. Клубқа «Марсель», «Эспаньол», «Вильярреал», «Сарагоса» және «Аль-Наср» командаларында ойнаған Альваро Гонсалес, Испания құрамасының бұрынғы жартылай қорғаушысы, «Лас-Пальмас», «Альмерия» және бельгиялық «Стандард» сапында өнер көрсеткен Хонатан Виера, сондай-ақ «Суонси», «Севилья», «Леганес», «Вальядолид» және «Хихон» клубтарында ойнаған Роке Меса қосылды.

Нәтижесінде, қазіргі таңда «Джохор» сапында 11 испандық футболшы бар, сондай-ақ Португалия мен Латын Америкасынан бірнеше ойыншылар шақырылған.

Осындай испандық ойын мәнерімен клуб плей-оффқа ұмтылуда, бірақ ол үшін Шығыс конференциясының басты аутсайдері – австралиялық «Сентрал Кост Маринерсті» жеңу қажет.

«Моряктар» бұл маусымда өз ойындарын таба алмауда. Олар ЛЧ-да небәрі 1 ғана ұпай жинаса, Аустралия чемпионатында 9-орында тұр.

«Сентрал Кост Маринерс» – «Джохор» матчы 13:00-де басталады.

Бұл ойынды Sport+ телеарнасынан, сондай-ақ sportplustv.kz сайтынан тікелей эфирде көруге болады.