«Фейеноорд» Хименестің орнына Мексикадан ойыншы тапты
«Фейеноорд» Сантьяго Хименесті «Миланға» сатқанына байланысты оның орнын тағы бір мексикалық ойыншымен толықтырды. Клуб ресми сайтының мәліметінше, жаңа ойыншы – Стефано Карильо, деп хабарлайды Sport+.
Карильо Нидерланд клубына «Сантос Лагуна» сапынан ауысты. Алайда ол мексикалық клубтың негізгі құрамында бірде-бір матч өткізбеген.
18 жастағы шабуылшы КОНКАКАФ жасөспірімдер чемпионатының үздік сұрмергені атанған. Сонымен қатар ол Мексиканың жасөспірімдер және жастар құрамасына шақырту алған.
Роттердамдық клубтың келесі матчы 8-нен 9 ақпанға қараған түні өтеді. Бұл кездесуді Sport+ тікелей эфирде көрсетеді.
